Hezkuntza-baliabideak

Umeentzako robotikako tailerra da, non programazioa eta harekin erlazionatutako oinarrizko ezaugarriak (besteak beste kontrol sekuentziak eta programazio lengoaia) irakasten diren. Hiru urtetik gorako umeentzat dago pentsatua. Erle-robot bat da eta jarraibideak eman behar zaizkio mugitu dadin eta erronkak gainditu ditzan. Bee-bot-en tailerretan umeek hainbat trebetasun lantzen dituzte: matematika, espazioaren ikuspegia, eta pentsamendu logikoa eta konputazionala.

Arduino plakak, zirkuitu elektronikoen, robotikaren eta programazioaren oinarriak era eroso eta erraz batean ulertzen lagunduko die ikasleei. Pausu simple batzuk jarraituz, nahi dugun erara jokatzen duen zirkuitu bat eraiki eta programatzeko kapazak izango dira ikasleak.

Informatika desentxufatua izeneko tailer praktikoan, neska-mutilek ordenagailu batek zelan funtzionatzen duen aztertuko dute, baita kodetze sistemen eta bestelako kontzeptu batzuen funtzionamendua ere, hau guztia teknologiaren beharrizanik gabe. Logika, matematika, mapen eta grafikoen erabilera, kriptografia eta bestelakoak lantzen dira, hainbat dinamika eta jokoen bitartez.

Generoa eta Teknologia tailerrean, gazteek zientzia eta teknologiaren munduan emakumearen papera zein den aztertu eta horren inguruan hausnartuko dute, arlo horietara zuzentzearen zergatiak eztabaidatuz eta ikasketa batzuk edo beste batzuk aukeratzeko orduan eragiten duten faktoreak nabarmenduz. Helburu nagusia STEAM (Zientzia, Teknologia, Ingeniaritza, Artea eta Matematika, ingelesetik) arloan bateratzen diren lan aukerak plazaratu eta hauek dituzten abantailak ikustaraztea da, gizartean arlo horiek duten eragina balioetsi dezaten eta, gure artean dauden estereotipoez jabetu eta haien inguruak zelan eragin diezaiekeen konturaraziz.

Elektronika sortzaileko tailerrean Makey Makey kit-arekin egiten da lan. Kit honek plaka, USB kable bat eta "kaiman" izeneko kable batzuk ditu. Makey Makey-k edozein elementu eroale ordenagailuko teklatu edo sagu gisa erabiltzea ahalbidetzen du. Tailer honetan ikasleek zientzian ohikoak diren fenomeno eta kontzeptuak aztertuko dituzte, era dibertigarri batean: eroankortasunaren definizioa eta funtzionamendua, elementu eroale eta ez-eroaleen sailkapena… Gainera, lantzen den sormenari esker ordenagailuko programak era desberdin eta original batean erabili ahal izango dituzte.

Batzuetan zaporea eta dastamen kontzeptuak nahasten ditugu, edo gure mingainean zaporeen mapa bat daukagula uste dugu.
Askotan elikagai piperdun batek gure ahoko tenperatura igoarazten duela uste dugu. Hauetako zenbat dira egia? Tailer honen bitartez ikasleek dastamena eta zaporea bateratzen dituzten hainbat esperimentu burutuko dituzte, usaina eta zaporearen erlazioa aztertuz, baita inguruko tenperaturaren eta jaten dugunaren tenperaturaren arteko erlazioa ere. Era honetan akatsak zuzenduko dituzte.

Ohikoa da bateria batek korrontea biltegiratzen duela pentsatzea, edota gailuren bat konektatzean korrontea kontsumitu egiten dela uste izatea. Tailer honen bitartez ikasleek korrontearen jokabidea irudikatzen duten esperimentu batzuk gauzatuko dituzte, hauen benetako funtzionamendua ulertaraziz. Gainera, bateria bat sortzera heltzen dira, eta hau eraikitzeko egokienak diren materialak ikusten dituzte, eduki zitzaketen akatsak zuzenduz.

Askotan uste dugu argia independientea dela igarotzen duen gainazal edo objektuarekiko. Tailer honen bitartez ikasleek argiak gainazal desberdinak jotzen dituenean daukan jokabidea aztertuko dute, bai gainazal garden zein opakuetan. Errefrakzio, islada eta angelu mugatzailearen kontzeptuak landuko dira, era honetan kontzeptu okerrak ezabatuz.